PARIBASAN

A

Andhang-andhang tetese embun

Tegese : Njagakake barang mung sak oleh-olehe

Adigang, adigung, adiguna

Tegese : Ngendelake kakuwatane, kaluhuran, lan kapinterane

Aji godhong garing

Tegese : wis ora ana ajine/asor banget

Ana daulate ora ana begjane

Tegese : Arep nemu kabegjan, ning ora sido

Ana gula ana semut

Tegese : Panggonan sing akeh rejekine, mesti akeh sing nekani

Anak polah bapak kepradah

Tegese : Tingkah polahe anak dadi tanggungane wong tuwa

Asu belang kalung wang

Tegese : Wong asor nanging sugih

Asu marani gebuk

Tegese : Njarag marani bebaya

Ati bengkong oleh oncong

Tegese : wong duwe niyat ala oleh dalan

B

Baladewa ilang gapite

Tegese : ilang kakuwatane/kaluhurane

Banyu pinerang ora bakal pedhot

Tegese : Pasulyane sedulur ora bakal medhotake pasedulurane

C

Cincing-cincing meksa klebus

Tegese : Karepe ngirit nanging malah entek akeh

Criwis-cawis

Tegese : Seneng maido nanging ya seneng menehi/muruki

D

Dadiya banyu emoh nyawuk, dadiya godhong emoh nyuwek

Tegese : Wis ora gelem nyanak, sapa aruh

Durung pupak lempuyange

Tegese : Wong kang dianggep bocah cilik durung ngerti apa-apa

Desa mawa cara, negara mawa tata

Tegese : Saben panggonan duwe cara utawa adat dhewe-dhewe

E

Esok dhele sore tempe

Tegese : Wong kang ora tetep atine (mencla mencle)

Entek jarake

Tegese : Wis entek kasugihane